Բարև երեխերք մի լաւ լուր ՝ էս որ տեսնումէք Արամէի հարցազրոյցնա ու նկարները որը ես վերցրելեմ ԱԼԻՔ ՕՐԱԹԵՐԹից:Կարողէք կարդաք և հաճոյք տանէք:Համեցէք՝
Նոր Ջուղայի Հ . Մ. Մ. Արարատ կազմակերպած Իրանահայ 21-րդ գարնանային խաղերի բացման հանդիսութեանը հրաւիրւած էր երգելու սիրւած երգիչ Արամէն: Սոյն մարզական փառատօնի շրջագծում մարտի 21-ին եւ 22-ին կազմակերպւած համերգը մեծ ընդառաջում գտաւ համայնքի անդամների կողմից հէնց առաջին ժամին, այնպէս, որ նրա երկրպագուների բուռն ցանկութեամբ աւելացաւ նաեւ մարտի 23-ի համերգը: Արամէի հետ կազմակերպւած հարցազրոյցը ստորեւ ներկայացնում ենք ընթերցողի ուշադրութեանը:
Հ.- Արամէ, ողջունելով ձեր ներկայութիւնը այստեղ՝ կը ցանկանայինք Ձեր տպաւորութիւններն իմանալ Նոր Ջուղայից:
Պ.- Բնականաբար, իմ տպաւորութիւնները շատ լաւ են, շատ դրական,որովհետեւ նախ ամէն տեղ, որտեղ, որ մենք այցելում ենք, մեզ շատ ջերմօրէն են ընդունում, որի համար մենք շատ ուրախ ենք. ես էլ համերգի ժամանակ փորձում եմ հանդիսատեսին առաւելագոյնը տալ, այն ամէն ինչ, որ կարող եմ եւ ինչին, որ ընդունակ եմ: Անչափ շնորհակալութիւն այն տղաներին, որոնք դիմաւորեցին մեզ, տեղաւորեցին եւ շատ ուշադիր էին մեր հանդէպ: Իսկ ինչ որ կապւած է հէնց քաղաքի մասին, ես կասեմ, որ այնքան հայկական շունչ կայ այս քաղաքի մէջ, դա հայերից է՝ բնականաբար, որ նոյնիսկ փողոցով քայլելիս ինձ մէկ-մէկ թւում է Հայաստանի փողոցներով եմ քայլում, որովհետեւ շատ են հայերը. ես գիտեմ հիմա աւելի քիչ են քան՝ եղել են, բայց դէ հայերը միշտ շատ են, հայը քիչ չի լինում ու ես կարծում եմ՝ հայերը այստեղ իրենց շատ լաւ են զգում եւ դրա համար կարող եմ ուրախանալ:
Հ.- Ձեր տեսածը ի՞նչքան է համընկնում՝ Ձեր պատկերացումներին, որ, բնականաբար, ունեցել էք մինչ այցը՝ ընդհանրապէս իրանահայ համայնքից:
Պ.- Իմ առաջին այցելութիւնը չէ դէպի Իրան, սա երրորդ անգամն է: Իմ համերգներից մէկում ես պատմեցի, որ առաջին անգամ ինձ միշտ ասում էին դու շատ կը տպաւորւես, որովհետեւ այդպիսի ջերմ հանդիսատես երեւի չես տեսնի, ես մտածում էի՝ ինչ պէտք է լինի, որ ես զարմանամ, բայց եղաւ: Այն, ինչ որ ես տեսայ, ինձ համար շատ հարազատ էր, ես շատ զգացւած եմ, շատ ուրախ եմ, որ այստեղ փորձում են առաւելագոյնս շատ մօտիկ լինել հայ մշակոյթին, այսինքն՝ տեսնում ենք, որ բոլոր մարդիկ շատ ուշադիր են, երեւի թէ ոչ մի անտարբեր հայ չկայ հիմա: Մեր ներկայութեամբ ասենք չկայ այդպիսի հայ, որ չիմանայ մեր քաղաքն է եկել Հայաստանից մի երգիչ, եւ դա ինձ համար շատ ուրախալի է: Ես գիտեմ, որ երրորդ համերգի տոմսերը մէկ ժամւայ մէջ վաճառւեցին, դա շատ ուրախալի է երգչի համար եւ նշանակում է, որ դու սիրւած ես, որ դու գնահատւել ես:
Հ.- Ինչո՞վ է տարբերւում իրանահայ համայնքը , այն համայնքներից,որ դուք եղել էք:
Պ.- Այստեղ մի քիչ աւելի կազմակերպւած եւ իրար հանդէպ աւելի ուշադիր են՝ իմ պատկերացմամբ: Ես այդպէս եմ նկատել, ու բոլոր հայերը ապրում են համայնքի շնչով, բոլորը ձգտում են ներդրում ունենալ եւ իրենց կողմից մի ինչ-որ բան աւելացնել: Ես տեսնում եմ շատ երիտասարդներ, որ ոչ մի կապ չունեն այս բոլորի հետ, բայց փորձում են ինչ-որ բանով օգնած լինել, որը շատ կարեւոր է եւ շատ լաւ:
Հ.- Ինչպէ՞ս էին մեր հնարաւորութիւնները, որեւէ խնդիր չունեցա՞ք:
Պ.- Ընդհանրապէս, ոչ մի խնդիր: Ես շատ գոհ եմ եւ անչափ շնորհակալ եմ կազմակերպիչներից, ես շատ լաւ, լաւ, լաւ, դրական լիցքերով կը վերադառնամ Երեւան եւ շատ լաւ ու գունաւոր բաներ կը պատմեմ Ջուղայից:
Հ.- Աւելացում եթէ կայ՝ խնդրեմ:
Պ.- Որպէս աւելացում՝ ես կասեմ, որ անչափ երջանիկ եմ, որ այստեղ այդքան պահանջւած եմ ու ժողովուրդը ակտիւ գտնւեց, որպէսզի բոլորը ներկայ գտնւեն իմ համերգին: Ինչքան գիտեմ, ինչ որ սրահ է կառուցւում, ես խօսք եմ տալիս՝ երբ կառուցւի ձեր մեծ սրահը, ես այստեղ կը գամ իմ մեծ մենահամերգով, արդէն մեծ խմբով, աւելի հետաքրքիր բան կը մտածենք ու շատ գեղեցիկ ժամանակ կանցկացնենք միասին:Նորից եմ կրկնում՝ շնորհակալութիւն այն բոլոր մարդկանց, որոնք հիմա մեր կողքին են, մենք երբեք չենք անտեսի ձեր ուշադրութիւնը ու կարծում եմ՝ այն համերգները, որ ես ունեցայ այստեղ, երկար կը մնան իմ յուշերի մէջ, նաեւ յոյսով՝ հանդիսատեսի մէջ:
էս էլ 2 հատ նկար մէկը հարցազրոյցի ժամանակ միւսն էլ համերգի ժամանակ՝
մի հատ ուրիշ լաւ լուր էլ ունեմ յիշումէք չէ որ Արամէն Նոր տարւան էլ պարսկաստան էր երել էտ նկարներն էլ ձեռքսա հասել որ էնէլ հետոյ կդնեմ:Ասեմ որ շատ շատ շատ շատ ասած Արամեն անչափ կեանք նկարներ են էնէնց որ աշխատէք ձեռից չտաք:դէ էս էլ սրանից:Բաբայ:
Ես էս նկարը շատ եմ սիրում,շատ լաւնա ստեղ ...
